Cyber Palakatva - Bhag 2 : Digital Jagnyacha 'Unfiltered' Satya

'काही करायला नाही म्हणून मोबाईल घेऊन बसतो.'
'मला कुठलं मोटिव्हेशनचं नाही. म्हणून मोबाईलवर रील्स बघत असते.'
मुलीला नव्याने मोबाईल दिला, आता तिचं वागणं फारच बदललं आहे, हे सांगणारी आई आणि स्वतःचे अनुभव सांगणारी मुलंमुली अशा अनेक उदाहरणांविषयी शिवाय ऑनलाईन जगात काय चालतं याविषयी साद्यंत माहिती देणारं पुस्तक म्हणजे सायबर पालकत्व.
आपण डिजिटल पालकत्वाच्या काळात जगतो आहोत. आपल्या समोरची आव्हाने अधिक जटील आणि गुंतागुंतीची आहेत. अशावेळी आपण स्वतःला सक्षम बनवणं आवश्यक आहे. आताच्या काळात मोबाईल, इंटरनेट यांच्या वापराशिवाय राहणं शक्य नाही आणि तसं राहूही नये. म्हणूनच सायबर पालकत्व हा पर्याय नाही, तर आजच्या काळाची गरज आहे. सायबर पालकत्वाचा विचार मूल जन्माला घालण्याच्या आधीपासून केला गेला पाहिजे. म्हणूनच, हे पुस्तक लिहिताना केवळ मार्गदर्शन करणं हा हेतू नाहीये तर, सायबर पालकत्वाचा प्रवास करताना कधी मदत करणं, कधी आरसा दाखवणं, कधी हात घट्ट पकडून पुढे जायला मदत करण्याचा प्रयत्न आहे. म्हणूनच मुलांचं पालकत्व करणाऱ्या समाजातील प्रत्येकासाठी हे पुस्तक उपयोगी आहे.

लेखिकेविषयी -
मुक्त पत्रकार
डिजिटल वेलबीइंग या विषयासाठी काम करणाऱ्या 'सायबर मैत्र' संस्थेच्या संस्थापक
मराठीमधला पहिला सायबर पॉडकास्ट 'स्क्रीन टाइम विथ मुक्ता'च्या चालक
महिला आयोगाच्या सायबर समितीवर सदस्य
'सायबर आणि डिजिटल वेलबीइंग' या विषयावर मराठीतून लिहिणाऱ्या पहिल्या लेखिका पत्रकार
'स्ट्रगलर्स', '१३ ते २३', 'स्क्रीन टाइम', 'पोर्न खेळ', 'एव्हरेस्ट' (शब्दांकन) अशी पाच पुस्तकं प्रकाशित
'सायबर मैत्र'च्या माध्यमातून शाळा आणि महाविद्यालयांतून डिजिटल साक्षरता उपक्रम
स्क्रीन टाइम मॅनेजमेंट, सायबर सुरक्षितता आणि ऑनलाइन जगातील धोके व संधी यावर त्यांनी महाराष्ट्रभर ५०,०००हून अधिक विद्यार्थी, शिक्षक, पालक, NGO व कॉर्परिट्स यांना प्रशिक्षण
इंटरनेट व्यसनमुक्ती केंद्राचे काम
बाराहून अधिक वर्ष, माणूस आणि तंत्रज्ञान यांच्या परस्परसंबंधांचा अभ्यास