Cyber Palakatva - Bhag 1 : Mulanchya Mobileche Karayche Kay?

आपण डिजिटल पालकत्वाच्या काळात जगतो आहोत. आपल्या समोरची आव्हाने अधिक जटील आणि गुंतागुंतीची आहेत. अशावेळी आपण स्वतःला सक्षम बनवणं आवश्यक आहे. आपल्या समाजात मुलांचा स्क्रीनशी पहिला परिचय अगदी तान्हेपणीचं होतो. या वयात मूल जगाला स्पर्श, आवाज आणि नजरेतून अनुभवत असतं. पालकांची सोय म्हणून मुलांच्या हातात स्क्रीन जाते पण त्यांचा परिणाम मुलांच्या मेंदूवर, डोळ्यांवर, झोपेवर आणि भावनांवर होऊ शकतो. खरंतर याच वयात मुलाला खेळ, निसर्ग, लोकांशी संवाद यांचा अनुभव देणं जास्त महत्त्वाचं आहे.
सायबर पालकत्व हा पर्याय नाही, तर आजच्या काळाची गरज आहे. सायबर पालकत्वाचा विचार मूल जन्माला घालण्याच्या आधीपासून केला गेला पाहिजे. म्हणूनच, हे पुस्तक लिहिताना केवळ मार्गदर्शन करणं हा हेतू नाहीये तर, सायबर पालकत्वाचा प्रवास करताना कधी मदत करणं, कधी आरसा दाखवणं, कधी हात घट्ट पकडून पुढे जायला मदत करण्याचा प्रयत्न आहे. म्हणूनच मुलांचं पालकत्व करणाऱ्या समाजातील प्रत्येकासाठी हे पुस्तक उपयोगी आहे.

लेखिकेविषयी -
लेखिका मुक्ता चैतन्य सायबर-मुक्त पत्रकार असून सायबरमैत्र या संस्थेच्या संस्थापक आहेत.
मराठीमधला पहिला सायबर पॉडकास्ट ‘स्क्रीन टाइम विथ मुक्ता’ त्या चालवतात.
पाच पुस्तकं प्रकाशित
‘सायबर आणि डिजिटल वेलबीइंग’ या विषयावर मराठीतून लिहिणाऱ्या त्या पहिल्या लेखिका-पत्रकार
इंटरनेट व्यसनमुक्ती केंद्राचे काम
माणूस आणि तंत्रज्ञान यांच्या परस्परसंबंधांचा अभ्यास त्या गेली बाराहून अधिक वर्षं करत आहेत.

'सायबरमैत्र’च्या माध्यमातून त्या शाळा आणि महाविद्यालयांतून डिजिटल साक्षरता उपक्रम राबवतात. स्क्रीन टाइम मॅनेजमेंट, सायबर सुरक्षितता आणि ऑनलाइन जगातील धोके व संधी यावर त्यांनी महाराष्ट्रभर ३०,०००हून अधिक विद्यार्थी, शिक्षक, पालक, NGO व कॉर्पोरेट्स यांना प्रशिक्षण दिले आहे.

त्यांनी युनिव्हर्सिटी कॉलेज ऑफ लंडनचा Why We Post (सोशल मीडियाचा मानव वंशशास्त्रीय अभ्यास), Psychological First Aid (Johns Hopkins University), Digital Wellbeing (University of York) हे अभ्यासक्रम पूर्ण केले आहेत. महिला आयोगाच्या सायबर समितीवर सदस्य म्हणूनही त्यांनी काम पाहिले आहे.