Shirdi Sai Baba : Preranadayee Jeevan

शिर्डी साईबाबांचे भक्त भारत तसेच परदेशांतही पसरलेले आहेत. हे सर्व भक्त त्यांच्याकडे आले ते आध्यात्मिक ओढ आणि शिर्डी साईंचा प्रेमळपणा, साधेपणा यामुळे. या पुस्तकामध्ये शिर्डी साईंच्या जीवनाचा बांधीव आणि शक्य तितक्या कालक्रमानुसार दस्तऐवज तयार करण्याचा प्रयत्न केला गेला आहे. यामध्ये काही प्राथमिक स्रोत आणिकागदपत्रे वापरलेली आहेत, जी आजपर्यंत उजेडात आलेली नव्हती! त्यामुळे लोकांच्या मनात बाबांशी संबंधित प्रश्नांबद्दल काही गृहीतके रेंगाळत राहिली. ही कागदपत्रे लेखकानेविविध स्रोतांद्वारे एकत्रित केली आहेत. अतिवर्णनात्मकता टाळून लेखकाने सरळ, साध्या शैलीत साईबाबंविषयी माहिती देण्याचा प्रयत्न केलेला आहे. त्यामुळे शिर्डी साईबाबांचे दिव्य व्यक्तिमत्त्व, उदात्तहेतू, तत्त्वज्ञान हे भक्तांच्या, वाचकांच्याआणि इतर संशोधकांच्या सहज समोर येते.

शिर्डी साईबाबांवर भारतीय भाषांमध्ये आणि काही परदेशी भाषांमध्ये शेकडो पुस्तके लिहिली गेली आहेत. त्यांच्यावरील पहिले पुस्तक श्री साईसच्चरित हे १९२९मध्ये श्रीसाईबाबा संस्थान ट्रस्ट, शिर्डी यांनी प्रकाशित केलेले पुस्तक मुख्य संदर्भ म्हणून वापरले आहे.

आपल्या भक्तांना संकुचित विचारसरणी, कट्टरतावाद आणि पूर्वग्रह यातून बाहेर काढण्याचे शिर्डी साईबाबांचे नवेनवे मार्ग होते. अगदी खोड्याकाढताना, विनोद करतानाही ते आपल्या भक्तांना एक आश्वासक, संरक्षक आणि सांत्वन करणारा अर्थ द्यायचे. शिर्डीच्या साईबाबांचा स्पर्श, दृष्टिक्षेप, शब्द भेटणाऱ्यांवर जादुई परिणाम करायचा! हे पुस्तक वाचताना साई बाबांचे हेच व्यक्तिमत्त्व डोळ्यासमोर उभे राहते.

लेखकाविषयी माहिती :
डॉ. चंद्राभानू सत्पथी हेप्रसिद्ध लेखक, विद्वान, परोपकारी गृहस्थ आहेत. साहित्य, संस्कृती, आणि मानवतावादी या क्षेत्रांतील प्रचंड कामासाठी त्यांना विविध विद्यापीठांनी, सहा सन्माननीय पुरस्कारांनी सन्मानित करण्यात आलेआहे. बहुभाषिक लेखक म्हणून त्यांनी वैदिक ज्योतिष आणि खगोलशास्त्र, अध्यात्मवाद, दैवी अवतार, संत आणिविविध आध्यात्मिक-धार्मिक विषयांवर ५८ पुस्तके लिहिली आहेत. त्यांची पुस्तके इंग्लिशव्यतिरिक्त १६ भारतीय आणि चार पाश्चात्त्य भाषांमध्ये भाषांतरित झालेली आहेत. भारतात आणिभारताबाहेर समाजातील गरीब आणि पीडितांसाठी त्यांनी असंख्य समाज सेवा केंद्रे स्थापन केलेली आहेत. शाळा, आरोग्यकेंद्रे आणि पशुवैद्यकीय संस्था यांचे ते आश्रयदाते आहेत.

डॉ. चंद्राभानू सत्पथी यांना अनेक सन्मान प्राप्त झाले आहेत. त्यापैकी काही पुढीलप्रमाणे : -

२४ जून २०१५ रोजी त्यांना अमेरिकेत युनायटेड स्टेट् स हाउस ऑफ रिप्रेझेंटेटिव्ह् ज पाहुणेम्हणून प्रार्थना गायनासाठी बोलावले होते.
डॉ. सत्पथी यांच्या‘श्रीगुरू भागवत’ या साहित्यकृतीला मान्यता देण्यासाठी अमेरिकेतील द किंग काउंटी ऑफ वॉशिंग्टन स्टेटने सिएटल येथे १३ जुलै २०२३ रोजी ‘श्रीगुरू भागवत दिवस’ म्हणून जाहीर केला.

सिएटल आणि बेल्लेवू या शहरांनी १३ जुलै २०२३ हा ‘डॉ. चंद्राभानू सत्पथी दिवस’ घोषित केला आहे.