मुलाखतीद्वारे महाविद्यालय ते कॉर्पोरेट

करिअरची सुरुवात पहिल्या नोकरीने होते... आणि या कॉर्पोरेट जगात प्रवेश करायचा तर पहिली पायरी असते मुलाखत.

• नोकरीसाठी उमेदवाराची निवड करताना काय बघितलं जातं? बायोडाटात काय काय लिहावं?
• मुलाखतीची तयारी कशी करावी? मुलाखतीत नेमके काय प्रश्न विचारले जातात? मुलाखतीत कसे वागावे?
• आजपर्यंत जे अभ्यास केला आहे त्याबद्दल विचारले जाईल की त्याव्यतिरिक्त काही?

हे पुस्तक याचंच मार्गदर्शन करणारं आहे.
कॉलेजचे शिक्षण संपवून कॉर्पोरेट जगात नव्याने प्रवेश करणाऱ्या प्रत्येकाने नोकरीसाठी, करिअरसाठी स्वतःला कसे तयार करावे, त्यात यशस्वी कसे व्हावे यासाठी वाचायलाच हवे असे पुस्तक म्हणजे 'कॉलेज टू कॉर्पोरेट व्हाया इंटरव्ह्यू'.

लेखकाबद्दल:
विनोद बिडवाईक हे मानव संसाधन (ह्यूमन रिसोर्स) आणि व्यवस्थापन क्षेत्रातील तज्ञ आहेत. त्यांना या क्षेत्रात तब्बल २५ वर्षांहून अधिक अनुभव आहे. त्यांनी अनेक मोठ्या भारतीय आणि बहुराष्ट्रीय कंपन्यांमध्ये उच्च पदांवर काम केले आहे.
ते सध्या एपी ग्लोबले आणि सकाळ मीडिया ग्रुपमध्ये ग्रुप डायरेक्टर-एचआर म्हणून कार्यरत आहेत.
विनोद बिडवाईक हे मानव संसाधन, मनुष्यबळ विकास आणि व्यवस्थापन क्षेत्रातील एक नावाजलेले नाव आहे. भारतीय आणि बहुराष्ट्रीय संस्थांमध्ये उच्च पदांवर काम करण्याचा तब्बल २५ वर्षांचा त्यांचा अनुभव आहे. सध्या ते ए पी ग्लोबले आणि सकाळ मीडिया ग्रुपच्या पीपल आणि कल्चर विभागाचे समूह संचालक म्हणून कार्यरत आहेत. यापूर्वी ते अल्फा लावलमध्ये उपाध्यक्ष – एच आर, तसेच डी एस एम इंडियामध्ये संचालक – एच आर म्हणून कार्यरत होते. त्यांनी महिंद्रा अँड महिंद्रा, सेम्पेरिट ग्रुप, इंडियन स्टीलमध्ये अनेक पदांवर काम केले आहे. या सर्व संस्थांमध्ये ते व्यवस्थापन मंडळाचे सदस्य राहिले आहेत.

त्यांनी मनुष्यबळ विकास, मानव संसाधन, बिझनेस स्ट्रॅटेजी, टॅलेंट मॅनेजमेंट, संस्थेची पुनर्रचना, एचआर परिवर्तन, नेतृत्व विकास यासारख्या जटिल विषयांवर काम केले आहे. त्यांनी आतापर्यंत ३ मराठी आणि ४ इंग्रजी पुस्तके लिहिली आहेत.

ते नियमितपणे व्यवस्थापनविषयक नियतकालिके आणि मासिकांमध्ये लेखन करतात. ते बॉम्बे मॅनेजमेंट असोसिएशन, एनआयपीएम आणि एनएचआरडीचे आजीवन सदस्य असून विविध मंचांवर नियमित वक्ते आहेत. ते इंग्रजी आणि मराठी दैनिके आणि मासिकांमध्ये नियमित स्तंभलेखकही आहेत.