एकत्रित जीवनातील सुमधुरता (मराठी)

वेगवेगळ्या परिस्थितीत वाढलेले, भिन्न स्वभाव आणि विरुद्ध सवयी असणारे दोन लोक एकमेकांना जोडीदार म्हणून निवडतात आणि सहजीवनाला सुरुवात करतात. हे सहजीवन मग ते लग्न असो, लिव्ह-इन असो वा प्रेमप्रकरण असो... हे सहजीवन यशस्वी होण्यासाठी, दोघांच्याही जीवनात बहर येण्यासाठी, जन्मभराची साथ मिळण्यासाठी नेमकं काय लागतं, याविषयी मार्गदर्शन करणारं पुस्तक. अनुरूप जोडीदार म्हणजे नेमकं काय? आपला अनुरूप जोडीदार कसा निवडावा? जोडीदाराकडून काय अपेक्षा असाव्यात? आपलं नातं आयुष्यभर टिकण्यासाठी काय करावे? स्वीकार, तडजोड, आत्मसात करणं अशा तंत्रांचा वापर करून नात्यात ताण आल्यास त्यावर कशी मात करावी? नात्यातील व्यभिचाराची प्रकरणं कशी हाताळावी? मुलांच्या कोणत्याही प्रकारच्या सहजीवनात पालकांची भूमिका काय असावी? अशा अनेक प्रश्नांची उत्तरं शोधायला मदत करणारं पुस्तक.