द होमकमिंग अँड अदर स्टोरीज (मराठी)

'द होमकमिंग अँड अदर स्टोरीज' हा श्री एम. लिखित निवडक कथासंग्रह मानवी मनाच्या अंतरंगात डोकावून त्यांच्या कृतींचा अर्थ समजून घेण्यास प्रवृत्त करतो. अगदी भय कथांपासून, धक्कादायक आणि हृदयस्पर्शी कथांचाही यात समावेश आहे. त्यामुळे 'माणसे असे का वागतात?' याची झलक पाहण्यास या कथा उद्युक्त करतात. एखाद्या आजीवन शिष्यत्व पत्करलेल्या शिष्याला त्याच्या गुरूचे एखादे गुप्त रहस्य कळते तेव्हा काय होते?... एखादा चोर त्याच्या जीवनमार्गात सुधारणा घडवून आणू शकतो का?... या आणि अशा अनेक गूढ प्रश्नांची आध्यात्मिक दृष्टिकोनातून उकल करणाऱ्या या कथासंग्रहात 'प्रत्येकासाठी काही ना काहीतरी' आहेच. प्रत्येक मनुष्याच्या ठायी असलेल्या चांगुलपणाचे संगोपन करण्याचे कार्य हा कथासंग्रह सहज सोप्या पद्धतीने करतो.