ज़ाडेझुडपे लावा, पशुधन जगवा

पशुपालन हा शेतीइतकाच प्राचीन व्यवसाय आहे. पूर्व-आधुनिक काळापर्यंत, घराजवळच्या किंवा गावाच्या आसपासच्या मोकळ्या माळरानातील गवतावर आणि झाडाझुडपांवर हे पशु सहजपणे पोसले जात होते. परंतु आधुनिक काळात वाढते औद्योगिकीकरण आणि शहरीकरण यामुळे नैसर्गिक साधनसंपत्तीचा ऱ्हास होत गेला. वाढत्या लोकसंख्येची गरज भागविण्यासाठी लागणाऱ्या वाढत्या पशुधनासाठी आवश्यक पौष्टिक चारा उपलब्ध होणे दिवसेंदिवस कठीण होत चालले आहे. या अडचणीवर मात करण्यासाठी गवताबरोबरच झाडाझुडपे लावणे हा एक महत्त्वाचा आणि फायदेशीर पूरक व्यवसाय आहे. त्यासाठी आवश्यक मार्गदर्शन करणारे पुस्तक: चाऱ्यासाठी उपयुक्त ठरणाऱ्या झाडाझुडपांचा सविस्तर परिचय. लागणारी जमीन, हवामान, लागवड, पीकवाढीचा कालावधी, कापणी, साठवण याविषयी सर्वांगीण माहिती. पावसाच्या प्रमाणानुसार कोणती झाडे लावावीत याविषयी मार्गदर्शन. ओल्या आणि कोरड्या चाऱ्यातील विविध पौष्टिक गुणांची शास्त्रीय माहिती. झाडाच्या वेगवेगळ्या भागांचा उपयोग चारा किंवा मुरघास बनविण्यासाठी कसा करावा याविषयी सूचना. झाडाझुडपांची लागवड कमी आकाराची/उंचसखल/तुकड्यातुकड्यांची जमीन वापरूनही करता येते. त्यामुळे पडीक जमीनही उपयोगात आणून अधिक आर्थिक फायदा मिळवता येतो. अशा विविध अंगांनी फायदेशीर ठरणाऱ्या चारा उद्योगासाठी उपयुक्त आणि संग्राह्य पुस्तक: झाडेझुडपे लावा, पशुधन जगवा.